Zure mugikorraren pantaila mekanizatu duen mekanizazio-zentro bertikala
Inoiz pentsatu duzu nola fabrikatzen diren zure mugikorraren kristalak? Ferrotallen badugu zure gailuei hain kristal erresistenteak izatea ahalbidetzen dien teknologia, mundu osoan estandar bihurtu dena. Izan ere, gure ordezkatua den Tongtai markaren ultrasoinu bidezko mekanizazio-zentro bertikalak, VU-5 modeloak, egiten du lan hori.
Mekanizazio-zentro honek egin ditzakeen aplikazioen artean daude beira, zafiroa, silizio karburoa, kuartzoa, zeramika, altzairu gogortua, nikel-eduki handiko aleazioak eta material ez-burdinazkoak mekanizatzea. Ebaketa-erreminta baino bigunagoa den edozein material mekaniza daiteke ultrasoinuen laguntzaz. Ultrasoinu bidezko mekanizazio birakariak ardatz nagusiaren abiadura handiko biraketa eta ebaketa-erremintaren maiztasun handiko bibrazio bertikala uztartzen ditu. Diamantezko erremintak kontaktu-abiadura handiz jotzen du materiala; horrela, ebaketa-indarra murrizten da, akabera ultrafinak lortzen dira eta ebaketa-eraginkortasuna 3 eta 5 aldiz handiagoa da mekanizazio konbentzionalarekin alderatuta.
VU-5 makina trinkoa eta zehatza da, eta doitasun handiko mekanizazio-beharrak dituen edozein fabrikatzaileren eskakizunak gaindituko ditu. Diseinu trinkoak oso leku gutxi behar du, eta aurreberotze-denbora oso laburra denez, lehiakideek baino pieza gehiago emango ditu orduko. Makinak zutabe finkoa eta mahai mugikorra ditu. Meehanite burdinurtuzko egitura eta arrabol motako gida linealak ditu, zurruntasun handiagoa eta mugimendu azkarragoa eta zehatzagoa lortzeko. 25 mm-ko (1″) bola-torlojuak 3. klasekoak dira, aurretenkatutako azkoin bikoitzeko diseinuarekin, eta horri esker ardatz guztietan minutuko 48 metroko abiadura azkar estandarra lortzen da, 1,2 G-ko azelerazioarekin.
ABS (Absolute Pulse Coder) serbosistemak ez du zero absoluturik behar. Makina edozein unetan eta edozein posiziotatik abiaraz daiteke, eta horrela denbora ez-produktiboa aurrezten da. Txirbilak kentzeko sistema estandarrak txirbilak eraginkortasunez kentzen ditu.
VU-5 makinak beso bikoitzeko erreminta-aldagailu automatiko random bat du, 30 posiziokoa. Beso bikoitzeko erreminta-aldagailuak abiadura handiko aldaketa eskaintzen du: 0,8 segundotan aldatzen ditu erremintak, eta 1,3 segundo behar ditu txirbiletik txirbilera. 3 HP-ko eta 24.000 rpm-ko zuzeneko transmisioko ardatz nagusiak kontaktu bikoitzeko Big Plus 30 (BBT-30) konoa du seriean. Gainera, makina erremintaren bidezko ebaketa-likidorako prestatuta dago, eta buru hoztua du.
Ultrasoinu bidezko funtzionamendurako, VU-5 makinak estandar gisa du maiztasun egokiena automatikoki bilatzeko eta M kodeen bidez blokeatzeko sistema bat. Sintonizazio automatikoaren tartea 15 eta 45 kHz artekoa da. Anplitude-tartea 1 eta 10 mikra artekoa da. Makinak, gainera, ezaugarri ugari ditu osagarri estandar gisa, ultrasoinu bidezko mekanizazioa arrakastatsua izan dadin eta makinaren bizitza erabilgarria luzea izan dadin.
3 ardatzeko makinak Siemens 828D kontrola du, 10,4″-ko TFT pantailarekin, ShopMill eta Advanced Surface-rekin. 5 ardatzeko bertsioak Siemens 840D kontrola du, 15″-ko monitorearekin, 5 ardatzeko fresatzerako Sinumerik MDynamics Technology paketea eta ShopMill.
Tongtai mekanizazio-zentroaren beste funtzio batzuen erakusgarri, hemen duzu makina iWatch-aren karkasa mekanizatzen.
https://youtu.be/pZG7qpqG-2Q